കാടും ക്രൂരതയും കലർന്ന മാസ് ആക്ഷൻ വിസ്മയവുമായി പെപ്പെയുടെ ‘കാട്ടാളൻ’ ഈദ് റിലീസായി മെയ് 28ന്

Kattalan Release Date May 2026: പെപ്പെയുടെ ‘കാട്ടാളൻ’ മെയ് 28ന് തിയേറ്ററുകളിൽ; വമ്പൻ ആക്ഷൻ വിസ്മയത്തിന് കൗണ്ട്ഡൗൺ

മലയാള സിനിമ പ്രേക്ഷകർ ഏറെ ആകാംക്ഷയോടെ കാത്തിരിക്കുന്ന ആക്ഷൻ ത്രില്ലർ ചിത്രങ്ങളിലൊന്നായ കാട്ടാളൻ റിലീസിനൊരുങ്ങുന്നു. ക്യൂബ്സ് എന്റർടെയ്ൻമെൻറ്സിന്റെ ബാനറിൽ ഒരുങ്ങുന്ന ചിത്രം ഈദ് റിലീസായി മെയ് 28ന് ലോകമെമ്പാടും തിയേറ്ററുകളിലെത്തും. ‘മാർക്കോ’ എന്ന ഹൈ-വയലൻസ് ഹിറ്റ് ചിത്രത്തിന് ശേഷം നിർമ്മാതാവ് ഷരീഫ് മുഹമ്മദ് അവതരിപ്പിക്കുന്ന ഈ സിനിമയ്ക്ക് ഇപ്പോൾ സോഷ്യൽ മീഡിയയിൽ വൻ ഹൈപ്പാണ് ലഭിക്കുന്നത്. Kattalan Release Date

മലയാള സിനിമയിൽ വേറിട്ട ആക്ഷൻ അവതരണങ്ങളിലൂടെ ശ്രദ്ധ നേടിയ ആൻ്റണി വർഗ്ഗീസ് പെപ്പെ കേന്ദ്ര കഥാപാത്രമാകുന്ന ചിത്രത്തിൽ തമിഴ് നടി ദുഷാര വിജയൻ നായികയായെത്തുന്നു. കൂടാതെ പാൻ-ഇന്ത്യൻ താരങ്ങളായ സുനിൽ, കബീർ ദുഹാൻ സിങ് എന്നിവരും ചിത്രത്തിൽ നിർണായക വേഷങ്ങളിലെത്തുന്നുണ്ട്.

‘കാട്ടാളൻ’ റിലീസ് പോസ്റ്റർ വൈറൽ

ചിത്രത്തിന്റെ റിലീസ് പ്രഖ്യാപന പോസ്റ്റർ പുറത്തുവന്നതോടെ സിനിമ പ്രേമികൾക്കിടയിൽ വലിയ ചർച്ചയാണ് നടക്കുന്നത്. തോക്കുകളുമായി നിൽക്കുന്ന പെപ്പെ, കബീർ സിംഗ്, സുനിൽ എന്നിവരുടെ മാസ് ലുക്ക് ഇതിനകം വൈറലായി കഴിഞ്ഞു. കാടിന്റെ പശ്ചാത്തലത്തിൽ രക്തരൂക്ഷിത സംഘർഷങ്ങൾ സൂചിപ്പിക്കുന്ന പോസ്റ്റർ സിനിമയുടെ ടോണിനെയും സ്കെയിലിനെയും വ്യക്തമാക്കുന്നതാണ്.

ആനക്കൊമ്പ് കടത്ത് പശ്ചാത്തലമായ കഥ

‘കാട്ടാളൻ’ ഒരു സാധാരണ ആക്ഷൻ സിനിമയല്ലെന്ന സൂചനയാണ് ട്രെയിലർ നൽകുന്നത്. ആനക്കൊമ്പ് കള്ളക്കടത്ത്, വന്യമൃഗ വേട്ട, പ്രതികാരം, അധികാര പോരാട്ടം എന്നിവയെ ആസ്പദമാക്കി സിനിമ ഒരുക്കിയിരിക്കുന്നുവെന്നാണ് റിപ്പോർട്ടുകൾ. ചോരക്കളിയും കാടിന്റെ ക്രൂരതയും ചേർന്ന ശക്തമായ വിഷ്വൽ അനുഭവമാകും സിനിമ സമ്മാനിക്കുകയെന്നാണ് ട്രെയിലർ വ്യക്തമാക്കുന്നത്. Kattalan Release Date

കാടിന്റെ വന്യത നിറച്ച ദൃശ്യങ്ങളും അതിവേഗ ആക്ഷൻ രംഗങ്ങളും ചിത്രത്തിന്റെ പ്രധാന ഹൈലൈറ്റുകളായിരിക്കും. തിയേറ്ററുകളിൽ ഒരു വലിയ ദൃശ്യ വിരുന്ന് തന്നെയാകും ചിത്രം സമ്മാനിക്കുകയെന്നാണ് ആരാധകരുടെ പ്രതീക്ഷ.

രവി ബസ്രൂരിന്റെ സംഗീതം വീണ്ടും തരംഗമാകുന്നു

‘കെജിഎഫ്’, ‘സലാർ’, ‘കാന്താര’ പോലുള്ള ചിത്രങ്ങളിലൂടെ ഇന്ത്യൻ സിനിമയിൽ ശക്തമായ ബാക്ക്ഗ്രൗണ്ട് സ്കോറുകളുടെ രാജാവായി മാറിയ  രവി ബസ്രൂർ ആണ് ചിത്രത്തിനായി സംഗീതമൊരുക്കുന്നത്. സിനിമയുടെ തീം മ്യൂസിക്കും ട്രെയിലറിലുളള പശ്ചാത്തല സംഗീതവും ഇതിനകം വൻ ശ്രദ്ധ നേടി കഴിഞ്ഞു. Kattalan Release Date

ജംഗിൾ ബീസ്റ്റ് തീം, വൈൽഡ് ബീസ്റ്റ് തീം, ഓഷ്യൻ ബീസ്റ്റ് തീം എന്നീ മൂന്ന് വേർഷനുകളിലായി ട്രെയിലർ റിലീസ് ചെയ്തിരുന്നു. ഓരോ ട്രാക്കും വ്യത്യസ്തമായ വന്യതയും ആവേശവും പകരുന്നതായിരുന്നു.

കന്നഡയിലെ പ്രമുഖ സംഗീത സംവിധായകനായ അജനീഷ് ലോക്നാഥും ചിത്രത്തിന്റെ സംഗീത സംഘത്തിൽ ഭാഗമാകുന്നുണ്ട്. അതുകൊണ്ട് തന്നെ സംഗീതപരമായി സിനിമ മറ്റൊരു തലത്തിലേക്ക് ഉയരുമെന്നാണ് വിലയിരുത്തൽ.

140 ദിവസത്തെ വമ്പൻ ഷൂട്ടിംഗ്

ഏകദേശം 140 ദിവസങ്ങളോളം നീണ്ട ഷൂട്ടിംഗിന് ശേഷമാണ് ചിത്രം പാക്ക് അപ് ആയത്. തായ്‌ലൻഡിലായിരുന്നു സിനിമയുടെ പ്രധാന ചിത്രീകരണം ആരംഭിച്ചത്. ആക്ഷൻ രംഗങ്ങൾക്കായി രാജ്യാന്തര തലത്തിൽ പ്രശസ്തനായ സ്റ്റണ്ട് കോറിയോഗ്രാഫർ കെച്ച കെംബഡികെയെ ചിത്രത്തിലേക്ക് എത്തിച്ചിട്ടുണ്ട്.

ഓങ്-ബാക്ക് 2, ബാഹുബലി-2: കൺക്ലൂഷൻ, ജവാൻ, ബാഗി 2, പൊന്നിയൻ സെൽവൻ പാർട്ട് 1 തുടങ്ങിയ സിനിമകളിൽ പ്രവർത്തിച്ച സംഘമാണ് ‘കാട്ടാളൻ’ ആക്ഷൻ ഒരുക്കുന്നത്. Kattalan Release Date

പ്രത്യേകതയെന്നാൽ സിനിമയിലെ ആനയുമായുള്ള സംഘട്ടന രംഗങ്ങൾ വിഎഫ്എക്സ് ഉപയോഗിച്ചല്ല ചിത്രീകരിച്ചിരിക്കുന്നത്. യഥാർത്ഥ ആനയെ ഉപയോഗിച്ചാണ് രംഗങ്ങൾ ഒരുക്കിയിരിക്കുന്നതെന്ന് അണിയറ പ്രവർത്തകർ വ്യക്തമാക്കിയിട്ടുണ്ട്.

വമ്പൻ താരനിര

ചിത്രത്തിൽ മലയാളം, തമിഴ്, കന്നഡ, തെലുങ്ക് മേഖലകളിൽ നിന്നുള്ള നിരവധി താരങ്ങൾ ഒന്നിക്കുന്നു. ജഗദീഷ്, സിദ്ധിഖ്, ആൻസൺ പോള്‍, രാജ് തിരൺദാസു, ഷോൺ ജോയ്, പാൻ ഇന്ത്യൻ താരങ്ങളായ സുനിൽ, കബീർ ദുഹാൻ സിങ് എന്നിവരും ചിത്രത്തിൽ പ്രധാന വേഷങ്ങളിലുണ്ട്.

റാപ്പർ ബേബി ജീൻ, ഹനാൻ ഷാ തുടങ്ങിയ യുവ താരങ്ങളും സിനിമയുടെ ഭാഗമാകുന്നുണ്ട്. യുവതാരങ്ങളും പാൻ ഇന്ത്യൻ മുഖങ്ങളും ചേർന്ന വലിയ കാസ്റ്റിംഗ് സിനിമയുടെ സ്കെയിൽ വ്യക്തമാക്കുന്നതാണ്.

ഹോംബാലെ ഫിലിംസിന്റെ പിന്തുണ

ഹോംബലെ ഫിലിംസ് ആണ് ചിത്രത്തിന്റെ കർണാടക വിതരണാവകാശം സ്വന്തമാക്കിയിരിക്കുന്നത്. കെ ജി എഫ് , കാന്താര പോലുള്ള ബ്ലോക്ക്ബസ്റ്ററുകളുടെ നിർമ്മാതാക്കളായ ഹോംബാലെ ഫിലിംസിന്റെ പങ്കാളിത്തം സിനിമയുടെ ഹൈപ്പിനെ കൂടുതൽ ഉയർത്തിയിരിക്കുകയാണ്. ഓവർസീസ് വിതരണാവകാശം ഫാർസ് ഫിലിംസ് സ്വന്തമാക്കിയിട്ടുണ്ട്. ഷിമാരൂ ആണ് ഡിജിറ്റൽ, സാറ്റലൈറ്റ് ഡിസിട്രിബ്യൂട്ടർ പാർട്നർ.

‘കാട്ടാളൻ’ മലയാള സിനിമയുടെ അടുത്ത വലിയ ആക്ഷൻ വിസ്മയമോ?

ടീസർ, ട്രെയിലർ, മ്യൂസിക് ട്രാക്കുകൾ, പോസ്റ്ററുകൾ തുടങ്ങി പുറത്തിറങ്ങിയ ഓരോ അപ്‌ഡേറ്റുകളും സോഷ്യൽ മീഡിയയിൽ വലിയ ചർച്ചയായിട്ടുണ്ട്. കാടിന്റെ പശ്ചാത്തലത്തിൽ ഒരുങ്ങുന്ന ഹൈ-വോൾട്ടേജ് ആക്ഷൻ അനുഭവമായി ‘കാട്ടാളൻ’ മാറുമെന്നാണ് ആരാധകർ പ്രതീക്ഷിക്കുന്നത്.

മെയ് മാസത്തിലെ ഏറ്റവും വലിയ തിയേറ്റർ റിലീസുകളിലൊന്നായി സിനിമ മാറാനാണ് സാധ്യത. പെപ്പെയുടെ കരിയറിലെ ഏറ്റവും വലിയ ആക്ഷൻ ചിത്രമാകുമോ എന്ന ചോദ്യവും ഇപ്പോൾ സിനിമാ പ്രേമികൾക്കിടയിൽ ഉയരുന്നുണ്ട്.

സൂര്യ-തൃഷ വീണ്ടും ഒരുമിച്ച്; ‘കറുപ്പ്’ ട്രെയ്‌ലർ ശ്രദ്ധ നേടുന്നു.